25 urte eredu izaten

Boomerrak, X belaunaldia, Milenialak, Z belaunaldia… 25 urtero mundura belaunaldi berri bat dator, mundura bezala, Hondarribira ere. Gure herrian azken belaunaldiak ez du aukerarik izan herriko jaiak bakean eta berdintasunean bizitzeko. Hondarribiko EHBilduk argi ikusten du arazoa konpontzeko ardura instituzioena dela. Arazoa udalak sortu zuen, legeari iskin egiteko herriko jaiak esku pribatuetan utziz eta, horrexegatik, soluzioa udalak eman behar du. Herriko jaiak herrira bueltatzeko lan egin behar dugu, beste herri askotan egin bezala (Donostia, Tolosa, Lesaka…), legea eta etorkizuneko belaunaldien nahia errespetatuz, pertsona guztion artean gure festak ospatu ditzagun.

Aurtengoan, ordea, gure omenaldi eta esker ona adierazi nahi diegu, duela 25 urte Hondarribiko kalean, Rosa Parksek Alabamako autobus haren eserlekuan edo Kathrine Switzerrek Bostongo maratoian egin bezala, gure herrian ere pertsona direla aldarrikatu eta inor baztertu edo kendu gabe haien tokia hartzen saiatu zirenei. Etorkizuneko belaunaldien eredua zarete, horregatik jarri nahi izan zaituztegu merezi duzuen tokian.

Pandemiaren inguruko 2020-11-08ko zuzenekoa

Bigarren olatuaren gorrian herrian pandemiaren inguruan egiten ari garen jarraipen lanketaren inguruko zuzenekoa.

Nazio mailan arazoa nola kudeatzen ari den aztertu eta kontestua pixkat esplikatu ondoren, herriko egoera aztertzeari ekin genion.

2020ko aurrekontuen balorazioa

Hondarribiko udaletxeko sail ezberdinak 2021 urtean edukiko dituzten beharrizanak aurkezten hasiak diren honetan, aurrekontuen negoziaketen atarian gaudela gogorarazten digu. Gauzak horrela, Hondarribiko EHBildutik 2020ko aurrekontuen proposatutako programen balorazioa egiteko asmotan gaude. 2020 urterako aurkeztutako proposamenak hauek izan ziren:

1.-Mariñel itsasontzia kultura-ondarea izendatzeko 2.500 €
2.-Enrike Lekuona ikerketa beka 12.500 €
3.-Kataluniako Cadaqués udalerriarekin senidetzeko proiektua 4.000 €
4.-Aldaketa klimatikoaren aurkako plana (sentsibilizazioa). 18.000 €
5.-Roke Mendez eta Jose Luis Mondragon oroimen harria 2.000 €
6.-Emakumea eta itsasoa ikerketa beka 7.000 €
7.-Musika Eskola antolaketa eredua aztertzeko proposamena 18.000 €
8.-Jaizkibel-Jaitzubia ingurumen egitasmoa 13.500 €
9.-Berdintasun teknikaria kontratatzeko 60.000 €

Hauetatik hiru onartu gabe geratu ziren, guk erretiratuta edo kontrako bozka jaso zutelako. Cadaquesen senidetze proiektua, Roke Mendez eta Jose Luis Mondragonen oroimen harria eta berdintasun teknikaria bideratzeko programak. Aipatu behar da, Roke Mendez eta Jose Luis Mondragonen programan, gaia bizikidetza batzordean lantzeko utzi genuela eta ekainak 18ko ohiko udalbatzan “gertatutakoaren inguruan aztertzen jarraitzeko eskakizuna” bideratu genion gaia aztertzen ari den Eusko Jaurlaritzako bake eta bizikidetza idazkaritzari. Eskaera edo mozio hori aho batez onartua izan zen.

Proposamenetik sei programa onartu egin ziren:

Mariñel itsasontzia eta Enrike Lekuona beka. Bi programa hauek Arma Plaza Fundazioak kudeatzen ditu eta bertako patrono ere bagarenez, programa onartzeaz gain, hauen lanketa gertutik jarraitu dugu, bertako teknikariak lagunduz eta momentuko beharrizanei aterabideak eskainiz ( burokrazia
lanekin lagunduz, familiarekin harremana mantenduz eta erabakiak kontrastatuz…) Mariñel itsasontziaren eraberritze lanen kontratazioa abuztuan gauzatu zen.

http://www.hondarribia.eus/eu/-/-marinel-ontzia-birgaitzeko-lanak-hasi-dira

Eta Enrike Lekuona beka berriki onartu eta plazaratu da.

http://www.hondarribia.eus/eu/-/enrike-lekuonaren-omenezko-ikerketa-beka-deialdia-abian-itsasoa-ondarea-eta-euskara-uztartzen-dituena

Ingurumen sailak berriz, bere gain hartu ditu Jaizkibel-Jaitzubia egitasmoa eta aldaketa klimatikoari aurre egiteko plana. Gure partetik nahi baina jarraipen txikiagoa eginda ere (pandemia bat tarteko) bertako teknikariak aurretik kabidarik ez zuten proiektuak aurrera ateratzeko baliatu ditu eta aurten,
programarekin aurrera jarraitzea pentsatu dugu.

Musika eskolaren kasuan, bertan bizi duten blokeo egoera gogorretik ateratzeko gure saiakera egin
dugu. Urte honetan zehar aurrekontuen garaian negoziatutako programa baliatuz irakasle, alderdi eta beste herrietako zenbait profesionalek parte hartutako bilerak dinamizatu ditugu. Asmoa ikasturte amaierarako aterabide bat adostea zen, baina, pandemiak eta kontsentsu ezak behartuta, hastapenetan zehaztu bezala, prozesua agortu egin da. Laster, prozesuan ikasitakoen ondoren, gure proposamena mahai gaineratuko dugu musika eskolaren zerbitzuen karta aurkeztuz.

Guzti hau kontutan hartuta, pozik egoteko arrazoiak ditugu. Hasieratik aurkeztutako programa ia guztiak, modu batean edo bestean, aurrera eramatea lortu dugu. Gainera, zera azpimarratu nahiko genuke, negoziatutako programa gehienak exekutatu egin direla osorik ez bada partzialki eta hori gure udalean ez da ahuntzaren gauerdiko eztula.

2020ko irailaren 8a

Gaur betetzen dira 382 urte inperio arrotzek gure herrira ekarritako gerraz libratu ginenetik.

Gaur betetzen dira 381 urte hori ospatzen dugunetik.

Gaur betetzen dira 23 urte Hondarribiko herriak alarde publiko bat ez duenetik.

Gaur betetzen dira 24 urte genero ezberdinetako pertsonak alardean parte hartzen saiatu eta aukera ukatu zitzaienetik.

Garaia da atzera begira baina, aurrera begiratzeko, bizitzeko, gozatzeko.

Gure herrian alarde:

Publiko

parekide

eta bakarra.

 

Hondarribiko EHBildu

2020ko irailaren 8an, Hondarribian.

Pandemiaren aurka gardentasuna

Agintariak eta herri elkarte gehienek jaiak bertan behera uztea erabaki dute, hala ere, salbuespen bat badago: eliza. Elizako agintariek erabaki dute bere ohiko jarduerei eutsi egingo dietela, horrek osasun publikoarentzat dakarren arriskuarekin. EH Bilduko udal taldeak ez du parte hartzen eliza katolikoak antolatzen dituen ekitaldietan, botere zibila eta erlijiosoa bereiztearen aldekoak garelako. Oraingo egoera larrian, berriz, arduragabekeria iruditzen zaigu elizak ekitaldi jendetsuak antolatu nahi izatea, eta hori ere beste arrazoi bat da EH Bilduko taldeak parte ez hartzeko.

Bestetik, osasun krisialdi honetan, establezimendu publikoetan arduradun eta langile batzuk kutsatzen ari dira, Irungo Gaztelumendi tabernan gertatu moduan. Hondarribian ere badira kasu batzuk, bat aipatze arren Eroski saltokian gertatu zena. EH Bilduko udal taldeak, gardentasun eskatu zion alkateari. Hau da, Hondarribiko establezimendu publikoetan gertatzen diren osasun arazoen berri publikoki ematea. Ez dugu lortu. Gure ustez, Covid-19 pandemiak edonor jo dezake, ez da ezer lotsagarria. Edonon eta edonori gerta dakioke eta. Hori horrela, establezimendu publikoetan gertatzen dena interes publikoko informazioa dela iruditzen zaigu. Establezimenduen arduradunei eskatuko genieke itxialdia agintzen badiote jakinaraztea zergatik den. Konbentzituta gaude herritarrek eskertu ez ezik beren elkartasuna adieraziko dietela. Gardentasuna izatez bada zurrumurru eta esamesen kontrako txertoa. Erakunde publikoei eskatu behar zaiena. Esaterako salatu nahiko genuke, Itxaropenari buruzko informazio faltsua zabaldu izana. Bizi garen herri honetan segituan ohartzen gara establezimendu publikoak noiz ixten duten, jakin beharko genuke ordea, horren arrazoia zein izan den.

Azkenik, arduradun publikoei dagokie herriko eremu publikoko antolamenduaz eta ongizateaz arduratzea. Horrexegatik agintari publikoei eskatzen diegu gardentasunez, zuzentasunez eta eraginkortasunez jokatzea.

 

Hondarribiko EHBilduko udal taldea.

2020ko irailaren 3an, Hondarribian.

Asturiagako segadaz 46 urte

Diktadura gogor batean erdian, poliziaren infiltratu batek bi gazte txalupa batean sartu eta irteerarik gabeko kala ilun batera eramatea lortu zuen. Zulo beltz hartan diktadurako militarrak itxaroten zeuden. Fusilak, errifleak, metrailetak denak kargatuta, zuhaitz edo sasi artean itxaroten zeuden borreroak. Gazteak ikusi orduko tiroka hasi ziren.

Nobela beltz bat dirudi, baina, duela 46 urte gure herriko Asturiaga hondartza erabili zuen erregimen frankistak, Jose Luis Mondragon Elorza eta Roke Mendez Villada gazteak erailtzeko. Egia, justizia eta erreparazio bila egon da familia geroztik.

Aski da! Hondarribiko EHBildutik justizia eskatzen dugu. Herri honek ez dezala ahaztu ia mende erdi pasa dela bere lurretan sarraski bat egin zutela.

 

2020-05-09 Zuzeneko emanaldia

Maiatzaren 9an herritarrekin antolatutako solasaldia. Herriko egoera aztertu genuen eta ondorengo gaiak jorratuko genituen:

  1. Konfinamendu garaiak. Zein momentutan gauden? (Kointuraren azterketa)
  2. Merkatarien diru-laguntzen afera, honen inguruko gure irakurketa eta proposamenak
  3. Kultur eragileen egoera, proposamenen zerrenda, gure iritzia eta egiten dugun proposamena

2020-04-25 udalako jardunen errepasoa

Apirilaren 25ean, Covid-19aren testuinguruan, aste horretan egondako erabakien errepasoa egon genuen zuzenean:

  1. Txingudiko zerbitzuak laguntzak emateko plan bat martxan jartzen ari dira
  2. Gizarte zerbitzuak sailaren egoera, onartutako diru-laguntzen errepasoa
  3. Bidasoa bizirik enpresen berri edukitzeko deiak, diru-laguntzak
  4. Udala ostalaritza, etxe-bizitza turistikoa, kalera ateratzeko baldintzen bandoa…

2020-04-18 Zuzeneko emanaldia

Covid19ak sorturiko krisia hasi denetik denoi aldatu zaigu egunerokoa. Harremanak zaildu egin dira eta bilerak, udalean edo militanteen artean, egitea ezinezkoa da. Informatuta egoteko zailtasunak nabariak dira, naiz eta, udalean ditugun tele-bilera bidez hala nola informatuta mantentzen garen eta gure jardunarekin jarraitzen dugun.

Zuek ongi informatuta mantentzea izan da erronka oraingoan. Herritarrak eta EHBilduren komunitatea informatuta mantentzeko saiakera berezia egin nahi izan dugu, esku artean dugun informazioa helarazi eta zuekin partekatzeko asmoz. Horretarako esperimentu bat egiteari ekin diogu eta Youtube plataforman zuzeneko bat egin dugu zuengana iristeko asmoz. Esperimentuak emaitza onak izan ditu, hartu-emana mantendu dugu eta aurrera begira ere jarraitzeko tresna egokia dela iritzi dugu, beraz, ez da azkeneko saioa izango. Eskerrik asko, modu batean edo bestean, parte hartu duzuen guztioi eta saioa ikusi nahi duzuenontzat gure katean saioa gordeta utzi dugu.

Informatzen jarraituko dugu. Laster arte!